5 نصايح محتاجة تعرفيهم قبل جلسة إزالة الشعر بالليزر:
- حاولى متعرضيش المناطق الهتعملى فيها ليزر للشمس او اى منتجات تسمير قبل الجلسة وبعدها لان دا ممكن يسببلك مضاعفات
- لازم الدكتور تجرب أشعة الليزر عليكي الاول و تظبط قوة النبضة على حسب نوع بشرتك علشان توصلى لأفضل النتايج
- لازم دايماً تلبسى النضارة الواقية فى وقت الجلسة لان أشعة الليزر ممكن تأثر على العين
- تجنبى البرفانات والحمامات السخنة بعد الجلسة بيومين او ثلاثة علشان متعرضيش الجلد للالتهاب
- الليزر لا يضمن ازالة الشعر 100% و لكن بيقلل من طلوعه بشكل ملحوظ و لما بيطلع بتحتاجى تعملى جلسة كل فترة كبيرة
علشان تلاقى نتيجة مرضية لجلسات ازالة الشعر بالليزر لازم تواظبى على ميعاد الجلسات فى فترة لا تقل او تزيد عن 4 – 6 أسابيع بين كل جلسة، و نتيجة الجلسات بتبان بعد تالت جلسة على الاقل مع العلم ان لازم تكملى عدد الجلسات على حسب ما الدكتورة بتحددللك المناسب لبشرتك.
ازاى تستعدي لجلسة ازالة الشعر بالليزر/h4>
- يتم وضع كريم مخدر على المنطقة قبل الجلسة بساعة
- قبل الجلسة مباشرةً امسحى الكريم المخدر بعد ما الجلد هيكون اتشربه تماماَ
- لازم تحطى كريمات مضادة للحروق والالتهابات (الدكتورة البتحددها) بعد الجلسة مباشرةً و لمدة 3 أيام بعد الجلسة و امنعي وصول البرفانات او العطور للمناطق دى علشان متسببش التهابات اكتر
علشان تعرفى هتستخدمى كام نبضة فى جلسة ازالة الشعر بالليزر، #عيادات_صحة عملتلك عدد النبضات التقريبية لكل منطقة مع العلم ان العدد ممكن يقل او يزيد على حسب نوع البشرة:
- الوجه: حوالى 100 – 150 نبضة
- الاندر ارم: حوالى 80 – 150 نبضة
- البكينى: حوالى 200 – 300 نبضة
- الجسم بالكامل: حوالى 2500 – 3000 نبضة
- الضهر: حوالى 350 – 550 نبضة
- الرجل: 1000 – 1700 نبضة
- الدارع: 500 – 800 نبضة
